បុរសម្នាក់ត្រូវជនមិនស្គាល់មុខកា.ប់.ស.ម្លា.ប់.នៅលើទូកស្មាច់ខណៈពេលធ្វើដំណើរទៅលើកខ្យង

ខេត្តបាត់ដំបង៖ បុរសម្នាក់ត្រូវបានជនមិនស្គាល់មុខកា.ប់ស.ម្លា.ប់.នៅលើទូកស្មាច់ខណៈពេលដែលគេធ្វើដំណើរទៅលើកខ្យងនៅក្នុងព្រៃរនាមក្រោម។

សមត្ថកិច្ចបានបញ្ជាក់ថា ករណីឃា.ត.ក.ម្ម.ខាងលើនេះបានកើតឡើងចន្លោះម៉ោង ០០ ទៅ ម៉ោង០១រំលងអាធ្រាត ឈានចូលថ្ងៃទី១៣ ខែវិច្ឆិកា ឆ្នាំ២០២៤ នៅ ចំណុចតាព្រាប (ក្នុងព្រៃរនាមក្រោម) ស្ថិតក្នុងភូមិរំចេក ឃុំកកោះ ស្រុកមោងឬស្សី ខេត្តបាត់ដំបង បង្កដោយជនសង្ស័យមិនស្គាល់អត្តសញ្ញាណ មិនដឹងប៉ុន្មាននាក់ ប្រដាប់ដោយអាវុធ រឹងមុត (អាចជាកាំបិត តែមិនដឹងថាកាំបិតប្រភេទអ្វី) បានធ្វើសកម្ម.ភា.ព.កា.ប់ទៅលើជនរងគ្រោះបណ្ដាលអោយស្លា.ប់.នៅលើទូកស្មាច់ ខណៈពេលជនរងគ្រោះទៅលើកខ្យងនៅចំណុចកើតហេតុខាងលើ ។

ជនរងគ្រោះមានឈ្មោះ មុំ អេង ភេទប្រុស អាយុ៥១ឆ្នាំ រស់នៅចំណុចបាសឹង្ហ ស្ថិតក្នុងភូមិថ្មី ឃុំព្រៃតូច ស្រុកមោងឬស្សី ខេត្តបាត់ដំបង ហើយពេលនេះត្រូវបានសមត្ថកិច្ចជំនាញចុះកោសល្យវិច័យនិងធ្វើកំណត់ហេតុប្រគល់អោយក្រុមគ្រួសារយកទៅរៀបចំធ្វើបុណ្យតាមប្រពៃណី ចំណែកក្រុមជនសង្ស័យត្រូវបានសមត្ថកិច្ចជំនាញកំពុងតែធ្វើការស្រាវជ្រាវបន្ត។