បាត់ដំបងថ្ងៃទី 29 ខែមករាឆ្នាំ 2025
អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង និងឯកឧត្តម ភួ ពុយ និងលោកជំទាវ បានអញ្ជើញរៀបចំពិធីសែនព្រេន ក្នុងផ្សារទំនើបភួពុយ
ពិធីនោះមានការ លោតម៉ុងសាយ ដើម្បីបណ្ដេញនូវរាល់ទាំងឧបទ្រព្យចង្រៃឆ្នាំចាស់និងទទួលពរជ័យសិរីមង្គល វិបុលសុខសម្រាប់ឆ្នាំថ្មី។
នៅក្នុងឱកាសនោះដែរ អ្នកឧកញ៉ា ភួ វាសនា និងឯកឧត្តម ភួ ពុយ រួមទាំងលោកជំទាវ បានចែកអាំងប៉ាវជូនដល់សហការី និងអ្នកទីទាល់ក្រីក្រជាច្រើន នាក់។
គួរបញ្ជាក់ផងដែរថា ពិធីបុណ្យចូល ឆ្នាំចិននេះ ឬ ហៅម្យ៉ាងទៀតថា បុណ្យនិទាឃរដូវ គឺថ្ងៃឈប់សំរាកដ៏សំខាន់បំផុត សំរាប់ជនជាតិចិន ជនជាតិវៀតណាម។
មានប្រជាជនមួយចំនួន ជាពិសេសជនជាតិចិននៅក្រៅប្រទេស តែងតែបានហៅថាពិធីបុណ្យនេះថា បុណ្យចូលឆ្នាំច័ន្ទគតិថ្មី ។
ពិធីបុណ្យចូលឆ្នាំចិន ត្រូវបានចាត់ទុកជាថ្ងៃដ៏មានសារៈសំខាន់ សម្រាប់ប្រជាជនចិន និងវៀតណាម រួមទាំងជនជាតិខ្មែរយើងដែលជាប់ខ្សែស្រឡាយចិន ហើយវាក៏មានឥទ្ធិពល ទៅលើពិធីបុណ្យចូលឆ្នាំថ្មី របស់ប្រទេសជិតខាងផងដែរ ជាពិសេសចំណងវប្បធម៌ ជាមួយប្រជាជន ជនជាតិចិននិងការធ្វើពាណិជ្ជកម្មជាមួយគ្នា៕
No comments:
Post a Comment